ခေတ်ပေါ်ကဗျာအကြောင်း တစေ့တစောင်း (၂)

ခေတ်ပေါ်ကဗျာရဲ့ ရေးသူ ဖတ်သူ လွတ်လပ်ပုံ တစ်မျိုးကို ပြောပြပါဦးမယ်။ ရေးသူက သူ့ရဲ့ခံစားချက်နဲ့ သူရေးလိုက်ပေမယ့် ဖတ်တဲ့သူကလည်း ကိုယ့်စိတ်ထဲမှာ တိုက်ဆိုင်မိတဲ့ ခံစားချက်တစ်ခုကို ဆွဲယူပြီး ခံစားချက်ထည့်ဖတ်လို့ရပါတယ်။ ကဗျာရေးသူသုံးလိုက်တဲ့ စကားလုံးက အဓိပါယ်တွေ အများကြီးဖြာထွက်လေလေ... ကဗျာရဲ့ အကွာအဝေးက ရှည်လျားလေလေပါပဲ။ အဲဒါနဲ့ ပတ်သက်လို့ ပျော်ပျော်ရွှင်ရွှင်မဂ္ဂဇင်း ဇူလိုင်လ ၂၀၀၇ ခုနှစ် အမှတ် (၁ ) မှာ ကျနော်ရေးခဲ့တဲ့ `ပျံသန်းခြင်း´ ဆိုတဲ့ ကဗျာလေးကို ဥပမာအနေနဲ့ ထုတ်ပြပါ့မယ်။

ပျံသန်းခြင်း

ဟိုး ခပ်မြင့်မြင့်က တိမ်ညွန့်တွေခူးစားဖို့
သန့်စင်တဲ့လေကို ပေါ့ပေါ့ပါးပါး ရှူရှိုက်ဖို့
အတောင်ပံတွေတဖြန်းဖြန်းခတ်
အစိုင်အခဲပေါင်းစုံထိုးခွဲပျံသန်းပြီး
ကောင်းကင်တံခါးကိုဖွင့်ဖို့
ကိုယ့်နည်းကိုယ့်ဟန်နဲ့ ကြိုးပမ်းနေကြပုံ ။ ။

အဲဒီကဗျာကို ရေးတုန်းက ကျနော်တို့ စာပေ၀ါသနာရှင်လူငယ်တွေ စာပေလောကထဲကို တိုးဝင်ဖို့ မျှော်လင့်ချက်အပြည့် အားမာန်အပြည့်နဲ့ ကြိုးစားနေကြပုံကို ရေးထားတာဖြစ်ပါတယ်။ အဲဒါကိုပဲ တခြားအတွေးနဲ့ ပြန်ပြီးခံစားကြည့်လို့ ရတယ်ဆိုတာကို သေချာဖတ်ကြည့်ရင်တွေနိုင်ပါတယ်။ ဥပမာ - ဒီနေ့ခေတ်လူငယ်တွေ ဘယ်လိုပြင်းပြင်းထန်ထန်နဲ့ ကိုယ်ဝါသနာပါရာကို ကြိုးစားနေကြုသလဲ ဆိုတဲ့ အဓိပ္ပါယ်မျိုးနဲ့  ခံစားကြည့်လို့ရပါတယ် ။ အဲဒီတော့ နောက်တစ်ချက်ပြောချင်တာက ကဗျာတစ်ပုဒ်ကောင်း မကောင်းဆုံးဖြတ်ရာမှာ ဖတ်သူရဲ့ စိတ်ခံစားမှုအပေါ်မှာလည်း အများကြီးမူတည်တယ်ဆိုတာပါပဲ။

( နောက်နေ့ဆက်ရေးပါ့မယ်)

ဝန်ခံချက် >>> ဤစာစုသည် ယခုမှကဗျာစရေးသူများ၊ ခေတ်ပေါ်ကဗျာ (Modern) ကိုစိတ်ဝင်စားသူများအတွက် ရည်ရွယ်ရေးသားခြင်းဖြစ်ပါသည်။ ကျွန်တော်သိသလောက်ကိုသာ ပြန်လည်မျှဝေပေးခြင်းဖြစ်ပြီး အတတ်နိုင်ဆုံး ပညာရပ်ဆိုင်ရာစကားလုံးသုံးစွဲမှုကို ရှောင်ပါသည်။ သို့ဖြစ်ပါ၍ တစုံတရာ မှားယွင်းမှုရှိပါက ကျနော့်တာဝန်သာဖြစ်ပါကြောင်း ၀န်ခံအပ်ပါသည်။